Subhanallah Wahdahu Wabihamdihi
Khaliqul Badri Walaili ‘Azza Wajalla
Ulon pujoe Poe Sidroe Poe Syukur Keu Rabbi Ya ‘Aini
Keu Kamoe Neubri Beusuci Atjeh Meulia
Tajak prang musoh beu runtoh dum sitree nabi
Nyang meu ungki keu Rabbi keu Poe Nyang Esa
Meusoe han tem prang cit malang ceulaka tuboh rugoe roh
Syuruga tan roh rugoe roh balah neuraka
Meunyoe nyang tem prang cit meunang meutuah tuboh
Syuruga that roh yang leusoh Geubri keu gata
Lindong gata sigala nyang mujahidin mursalin
Jeud-jeud mukim ikeulim Atjeh mulia
Nyang mubahgia seujahteura syahid dalam prang
Allah pulang dendayang budiadari
Hoka siwa sirawa syahid dalam prang dan meunang
Geupeurap rijang peutamoeng syuruga tinggi
Beudiadari meuriti geudoeng geu pandang
Geu-eu cut abang meucang dalam prang sabi
Hoka judo rakan o syahid dalam prang dan meunang
Geupeurap rijang peutamoeng syuruga tinggi
Salam’alaikom ‘Alaikom Teungku Meutuah
Katroh neulangkah neulangkah neuwoe bak kamoe
Amanah nabi la nabi hana Neu ubah Neu ubah
Syuruga indah ya Allah pahla prang sabi
Ureung syahid la syahid bek takheun mate
Beuthat beu tan le ya Allah nyawoeng lam badan
Ban sare keunoeng la keunoeng seunjata kafe la kafe
Keunan geujak le ya Allah peumuda seudang
Djimat kipah la kipah saboeh bak jaroe
Jipreeh judo woe ya Allah dalam prang sabi
Geucoek disinan disinan geuba u dalam u dalam
Geupeuduek sajan ya Allah ateuh kurusi
Ija puteh la puteh geu sampoh darah
Ija mirah ya Allah geu sampoh gaki
Rupa jih puteh lah puteh sang sang beuleun trang di awan
Watee tapandang ya Allah seunang lam hate
Darah nyang hanyi nyang hanyi gadoeh di badan
Geuboh le Allah ya Allah deungoen kasturi
Dikamoe Atjeh la Atjeh darah peujuang-peujuang
Neubri beu meunang ya Allah Atjeh mulia...
(Teungku Chik Pante Kulu).
Manuskrip Hikayat Prang Sabi
Sumber Klik disini
Isbahannur
